Бичлэг тандагчТөслийн 1-р шатны явцын тайлан №2, 01.02
Цахим сургалт төслийн хүрээнд Дорноговь аймгийн Замын-Үүд сумын 11 жилийн сургуулийн захиргаанаас 12 сард зохион байгуулсан ажлын тайлан
2012.01.02 Борхойн тал
Тус сургуульд “Цахим сургалт” төсөл хэрэгжсэнтэй холбогдуулан сургуулийн захиргаанаас үйл ажиллагааны төлөвлөгөө гарган ажилласан.
1-р шатны төлөвлөгөөний биелэлтийн талаар
· Манай сургууль нийт 102 багштай. Үүнээс: 1-р шатны сургалтанд дунд ангийн 21, бага ангийн 20, нийт 41 багш хамрагдсан. Дунд ангийн сургалтанд хамрагдсан сургагч багш нар нэг нэг багш хариуцан, тэдэндээ сургалтаар олж авсан мэдлэг чадвараа заан сургах, мэдээлэл технологийн чадвар өндөртэй, хариуцлагатай 10 багш бие даан суралцаж, шаардлагатай үед мэргэжлийн багш нарын зүгээс дэмжлэг туслалцаа авахаар шийдсэн билээ.
Бага ангийн сургалтанд хамрагдсан 20 багш хоёр, хоёр багш хариуцан авч ажиллаж байгаа. Жич: Уг шийдвэр гарснаас хойш та бүхний зөвлөмжтэй танилцсан. Иймд багш нараа сургагч, суралцагч, бие даан суралцагч багш нар гэж хувааж, тус тусад нь 2011 оны 12-р сарын 12-ны өдөр гэрээ байгуулан ажиллаж байна. Гэрээнүүдийн нэг хувийг хавсаргав.
2. “Цахим сургууль” дотоод удирдлагын програмын хэрэгжилтийн талаар
· Багш нарт мэдээллээ хэрхэн оруулах талаар зааварчилгаа өгч, багш бүр өөрсдийн мэдээллийг бүртгэж оруулсан.
· Анги удирдсан багш нар сурагч нэг бүрийн дэлгэрэнгүй мэдээллийг оруулж, дахин хянасан.
· Ангиудын кодыг гаргаж, сурагч нэг бүрээр кодолсон.
· Ангиудын хичээлийг анги бүрээр кодолж программд бүртгэв.
· 2-р улирлын хичээлийн хуваарийг оруулсан.
· Сурагчдын шилжилт хөдөлгөөнийг бүртгэж оруулсан.
· Багш бүр өдөр тутмын ирцээ бүртгэж гэрийн даалгавар, дүнгээ оруулах нөхцөл бүрдсэн хэдий ч тогтмолжиж, байнгын ажиллагаатай байх тал дээр дутагдалтай байна. Цаашдаа энэ тал дээр анхаарч ажиллах болно.
3. “Цахим хичээл” бэлтгэх заах талаар
· 2011 оны 12-р сарын 12-ны өдөр дунд, ахлах ангийн суралцагч 22 багш , 12-р сарын 14-ний өдөр бие даан суралцагч 11, 12-р сарын 16-ны өдөр сургагч 21 багш нараас тус тус шалгалт авлаа.
Шалгалтын дүнд анализ хийж үзэхэд сургагч болон бие даан суралцагч багш нарын чадвар харьцангуй өндөр, суралцагч багш нарынх хангалтгүй байна. Гэрээ байгуулж ажиллан сургагч багш нартай хариуцлага тооцон ажиллахад энэ байдал дээрдэнэ гэж үзэж байна. Шалгалтуудын дүнг хавсаргав.
· Багш нарын бие даалтын даалгаврын гүйцэтгэл хангалтгүй байгаа болно. 6 багш бие даалтын гэрийн даалгаврыг явуулсан. Бусад багш нар шинэ жил болон бусад ажлын ачаалал, хариуцлагагүй байдлаасаа шалтгаалан даалгавраа явуулаагүй болно.
4. Багш хөгжлийн төв болон сургуулийн орчин бүрдүүлэх үйл ажиллагааны талаар
· Дунд, ахлах ангийн багш нараас урьдчилсан байдлаар шалгалт авч, явцын байдалтай танилцлаа.
· Багш хөгжлийн төвд мэдээллийн тусгай самбар гарган мэдээлэл, зөвлөмжүүдийг цаг тухай бүрд багш нарт хүргэж байна.
· Багш нарын ажиллах нөхцлийг бүрдүүлэх зорилгоор ахлах сургуулийн Багш хөгжлийн төвийн өрөөнд 8 багшийн ширээ сандал, суурин 5 компьютер, бага сургуулийн Багш хөгжлийн төвд шинээр 20 багшийн нийт 2 сая 700 мянган төгрөгийн өртөг бүхий ширээ сандал нэмж байршуулан ажиллаж байна.
· Сургуулийн wireless антений хүчин чадал шаардлага хангахгүй байгаатай уялдуулан Наран терминал компанид өндөр хүчин чадал бүхий 3 ш wireless антенийг захиж авчруулсан.
· Сурагчдад интернет ашиглах өргөн боломжийг бүрдүүлэх зорилгоор сургуулийн коридорт 1 сая 800 мянган төгрөгийн үнэ бүхий 6 ширхэг урт модон сандлыг авч байрлуулсан.
5. Сургуулийн вэб сайтын байнгын ажиллагааг хангах талаар
· Сургууулийн вэб сайтад тавигдах шаардлагатай мэдээлэл, түүх зэргийг бэлтгэсэн.
· Багш нарын зургийг авсан.
Тайлан бичсэн: Сургалтын менежер А.Сүрэнхүү
Жич :
ь Багш нарын явуулсан гэрийн даалгаврын гүйцэтгэлд бид хяналт тавьж болох уу? Zamiinuud surguuli@yahoo.com хаягаар орохоор үзэж болохгүй юм.
ь Та нарын зүгээс явуулсан зөвлөмжүүдийг тухай бүрд нь хүлээж авсан.
ь Шинэ оноос эхлэн явцын тайланг хугацаанд нь явуулж байхаа албан ёсоор мэдэгдэж байна.
ь 2012 оны 1-р сарын 10-ны дотор багш нарын гэрийн даалгаврыг явуулья.
ь 2-р улирлын амралт 2012 оны 1-р сарын 19-д эхэлнэ. Цагаан сартай холбоотой амралтын хугацаанд өөрчлөлт гарах эсэхийг мэдэхгүй байна. Аймгийн БСГ-аас тухайн цаг үед бидэнд мэдэгддэг.
ь Шинэ жилийн бэлтгэл ажил , бидний хариуцлагагүй байдалтай холбоотойгоор тайлангууд хугацаандаа яваагүй болон багш нар гэрийн даалгавраа явуулаагүй болно.
ь Гэхдээ та бүхний зөвлөмж болон төлөвлөгөөнийхөө дагуу үйл ажиллагаагаа явуулж байгаа хэрнээ мэдээлж тайлагнах тал дээр дутагдалтай ажиллаж байгаа. Цаашид багш нарын гэрийн даалгаварт анхаарч ажиллана.
